Fréttir

Samtök sveitarfélaga á Vesturlandi boða til opins fundar í verkefninu Gott að eldast. Á fundinum verða kynntar niðurstöður nýrrar könnunar um virkni, þátttöku og líðan íbúa eldri en 80 ára í Stykkishólmi. Niðurstöður varpa ljósi á stöðu og upplifun hópsins og skapa mikilvægan grunn fyrir áframhaldandi þróun þjónustu. Fundurinn er opinn öllum áhugasömum og er kjörið tækifæri til að fræðast, ræða málin og taka þátt í samtali um það hvernig við getum best stutt við gott líf á efri árum.

Á milli staða í nátttúru Grænlands - Ljósmyndasýning eftir Jóhönnu Ómarsdóttur áhugaljósmyndara, opnar laugardaginn 18. apríl kl. 13:00 í Byggðasafni Snæfellinga og Hnappdæla. Ljósmyndirnar voru teknar við Qooroq ísfjörð á suðurströnd Grænlands 2006. Til að komast á milli þeirra bæja sem eru við fjörðinn þarf að ferðast með bát eða þyrlu. Myndirnar voru teknar í einni slíkri bátsferð á milli stærstu bæja strandarinnar Qaqortoq og Narsaq. Við fjöruborð þeirra og einnig í ferð upp á Grænlandsjökul.

Sveitarfélagið Stykkishólmur auglýsir laust til umsóknar starf aðstoðarmanneskju í eldhúsi í Höfðaborg. Starfið felst í aðstoð við matráð eldhússins, þrifum og öðrum tilheyrandi verkefnum sem fylgja rekstri mötuneytis. Umsóknarfrestur er til 4. maí 2026 og æskilegt er að viðkomandi geti hafið störf sem fyrst

Mánudaginn 13. apríl sl. var ritað undir viljayfirlýsingu um uppbyggingu í Víkurhverfi. Samkvæmt fyrirliggjandi áformum er gert er ráð fyrir að Skipavík ehf. komi til með að byggja upp 14-28 íbúðareiningar í nýjum hluta hverfisins vestur af Borgarbraut, en í gildandi deiliskipulagi er heimild til að byggja 21-32 íbúðir. Í áformum Skipavíkur er lagt til að byggja parhús, einbýli og raðhús. Gert er ráð fyrir að uppbyggingu ljúki innan átta ára fá gildistöku deiliskipulags en deiliskipulag skal hafa tekið gildi fyrir apríl 2027.

Aftanskin býður í opið hús í Samkomuhúsinu í Stykkishólmi fimmtudaginn 16. apríl á milli klukkan 15:00 og 17:00. Eins og greint hefur verið frá í fréttum frá sveitarfélaginu hafa Sveitarfélagið Stykkishólmur og Aftanskin, félag eldri borgara í Stykkishólmi, gert með sér samkomulag um afnot af Samkomuhúsinu við Aðalgötu 6.

Félags- og skólaþjónusta Snæfellinga auglýsir eftir starfsmanni við félagslega heimaþjónustu (þrif+innlit+leiðsögn) í 50 % stöðu. Um er að ræða þjónustu við heimili í Stykkishólmi.

Tvö framboð í Sveitarfélaginu Stykkishólmi skiluðu framboðslistum til kjörstjórnar vegna sveitarstjórnarkosninga þann 16.maí n.k. H listinn - listi framfarasinna, notar listabókstafinn H. Íbúalistinn, notar listabókstafinn Í.

Sveitarfélagið Stykkishólmur óskar eftir að ráða í starf í íþróttamiðstöð og við sundlaugavörslu, (konu) í íþróttamiðstöð Stykkishólms. Um er að ræða framtíðarstarf í 100% vaktavinnu. Æskilegt að umsækjandi geti hafið störf í byrjun júlí, síðasta lagi byrjun ágúst 2026. Umsækjendur þurfa að hafa náð 18 ára aldri.

Samhliða skipulagslýsingu nýtt aðalskipulags var birt vefkönnun til íbúa annarsvegar og landeigenda/ábúenda hinsvegar í tenglum við vinnuna. Könnununum er ætlað að draga fram upplýsingar og sjónarmið um helstu viðfangsefni aðalskipulags. Áður var óskað eftir að svörum fyrir 7. apríl 2026 en svarfrestur hefur nú verið framlengdur til 20. apríl. Íbúar sveitarfélagsins, landeigendur og ábúendur er hvattir til að svara könnununum. Ábendingar og svör verða tekin til umfjöllunar skipulagsnefndar í næstu áföngum skipulagsverkefnisins.

Laus er til umsóknar staða aðstoðarskólastjóra við Tónlistarskóla Stykkishólms. Um er að ræða 100% starf sem felur í sér bæði stjórnun (50%) og kennslu (50%). Hlutfall stjórnunar og kennslu getur verið sveigjanlegt og tekið mið af hæfni og reynslu þess sem ráðinn verður, sem og þörfum skólans.